План Бабарозы

Памятаеш, Персей, ты мне казаў, што расійцам падабаецца рахманы малодшы брат, які гадуе ніцыя вусішчы і спявае пра Алесю, Палессе і белага бусла ў дадатак? Так і еўрапейцы. З вашага кутка Еўропа чакае аповед пра нялюдскія зверствы ці неверагодныя дзівосы.

З папяровага кустоўя вытыркаюцца абсыпаныя мукой вусікі Македонскага.

Я не пасаромеўся прыплесці да каўтуніяны Тадэвуша Касцюшку. Трапіўшы ў Амерыку, наш знаны генерал, як вядома, зацята змагаўся з амерыканскімі індзейскімі плямёнамі. Дык вось, я зрабіў смелае дапушчэнне, што тубыльцы ў сваіх экзатычных фрызурах – іракезах і завітых валасах – нагадвалі яму сялянаў-палешукоў з роднай Літвы, большасць якіх, у адрозненне ад шляхты, генерал у свой час так і не змог прыцягнуць да