Цитаты из книги «План Бабарозы»

Цяпер, свежа прызначаны, але яшчэ не абвешчаны шырокай публіцы, міністр у апошні раз ехаў у Варшаву на закупы.

Два гады па размеркаванні на пасадзе штатнага псіхолага ў адной менскай школе

І ўрэшце цяпер – падножны корм фрылансу: акрамя арганізацыі стэнда-партала kautun.by, пракідваюцца пераклады кніг па папулярнай псіхалогіі, спарадычнае кансультаванне.

Добраахвотны развод паводле мерак 1950-х – выбрык нечуваны, скандальны.

вайны ацаніць цэлы жмут Бабагруніных вабнотаў засталося мала каму. Мужчын 1920-23 гадоў нараджэння выкасіла амаль цалкам.

На кволай этажэрцы ў вітальні стаяў маленькі бюсцік Карла Маркса з гіпсу. Пятнаццаць гадоў не ўрымсцілі ў Дзедлёні не толькі пажады, але і веры ў светлыя ідэалы. Бюсцік Дзедлёня цягаў з сабою па ўсіх сваіх кватэрах.

Жывучы ў кватэры на Чкалава, штопятніцы Дзедлёня спажываў пачак гарбаты, і кроў пачынала бегаць па целе як шалёная.

Дзедлёня пасля вайны паспеў адседзець пятнаццаць гадоў за сваё падпольшчыцтва на Калыме па “справе Кавалёва”, сфабрыкаванай НКВД стасоўна менскага антыфашысцкага падполля.

Дык вось, цярпліва чакаючы сваёй чаргі быць гаспадыняй, мама паступіла ў віначэрпіі да матрыярхаў.

Пасля колькігадовых баёў, пакінуўшы мяне бабулям на выхаванне, бацькі засяродзіліся на сваіх праблемах. Усе васьмідзясятыя яны з пераменным поспехам змагаліся з чэргамі. У дзевяностыя – з вывучэннем на практыцы схемы “тавар – грошы – тавар”. Потым пару месяцаў, у красавіку 1996-га, на “Менскай вясне” барукаліся з Македонскім і ягонымі шэрамундыравымі фалангамі. Нечакана мае стрыманыя бацькі, заўзятыя члены Ордэна Тых, Хто Самі Ўсё Разумеюць, сталі штодня выходзіць на шматлюдныя дэманстрацыі пратэсту да плошчы Якуба Коласа.