Вот что говорит святой Иоанн Златоуст о худом матерном слове:
«Не подобает, братие, православным христианам матерно ругатися во брани, понеже суть: Мати Божия Пресвятая Дева Мария роди Господа Бога Спаса нашего Иисуса Христа, Сына Божия, юже познахом госпожу, заступницу и молебницу нашу всякому человеку в скорбях покровительницу и спасение душам нашим.
Вторая мати всем человекам, от нея же родихомся и познахом свет сей, и от сосец ее воздоихомся Мати же человека роди, труды и болезни понесе, всякую нечистоту и скверну прияла: обвив, воспита нас, и одея.
Третья мати наша земля: от нее же первый человек Адам от Бога сотворен; и от нее кормимся, пищу и одежду приемлем, в нюже паки возвратимся во гроб вселясь.
Аще который человек, в который день избранится матерно, в тот день у того человека уста аки бы кровию запекаются, аки бы горят пеною и паром скверным, и яко смрад исходит из уст его, и тому человеку в тот день не подобает в церковь Божию внити, ни Евангелия целовати, икон, креста и причастия давати. Того человека неудержанного проклятого слова Ангел-хранитель плачется, а диавол радуется.