Мураска эмне калат?

Материалдык байлык – бул көзүң көрүп, кулагың угуп, колуң менен кармап пайдаланган дүйнөң, буюм, акча, мал-мүлк ж.б.у.с. Андай адамдардын жашоосу көзгө урунуштуу, ошондуктан бай же кембагал экендигин аныктоо анчалык кыйынчылыкка турбайт. Материалдык байлык “акыл” менен ишкердик менен ишке ашыруу, жасоо менен куралат.

Руханий байлык – бул жан дүйнөнүн, ден соолуктун, бакыттын, байлыктын казынасы. Колго кармалбайт, көзгө көрүнбөй энергиянын кубаттуулугу менен белгилене турган дүйнө. Руханий байлык сезим менен ой аркылуу түзүлгөн образдардын дүйнөсүнөн жаралат. Руханий байлыгы бай адамды пейили ток экен, көзгө жагымдуу, нурлуу экен, жүзү жарык татынакай адам экен же келбеттүү экен – бул адамга ишенсе болот деп түшүнүшөт.

Ата – энелер урпактарыңарга эмне калтыраарыңарды ойлонгула.

Мураска бул жашоодо “материалдык байлыктан” сырткары, “түбөлүктүү укумдан тукумга өтүүчү – ден соолук, жан дүйнөнүн байлыгы,бейкутчулук, жашоонун, кең пейилдүүлүктүн, барчылыктын, токчулуктун, кубанычтын, ыраазычылыктын, сүйүүнүн нуру” берилээрин эсиңерге сактасаңар. Бул албетте адам мүнөзү менен байланышат.

Ар бир басып өткөн секунда– бул Ааламда “жандуу” б.а. жашайт. Образдардын дүйнөсүндө бир эле убакта жашап келет. Канчалык көп ойлонсоң, ошончолук күчүнө кирип – бүгүнкү күндөгү жашооң, эртеңкиге калтырган мурасың болуп келет. Ошентип, жашоону куруп уланта беребиз.

Ал эми чыныгы жашоо – сенин оюң менен, сөзүң менен, жасаган ишиң менен азыр, учур чакта кайсыл жерде болсоң – ошол сенин чыныгы, учур чактагы жашооң. Бүгүнкү жашооң – кечээги жашооңдун бактылуулугу, этреңки жашоондун бактылуулугу. Үч дүйнө бир эле убакта сени менен ар дайым, мына азыр, ар бир көз ирмемде бирге жашайт.

Түбөлүктүү мураска кала турган нерсе бул, – ар бир адамдын өзүн өзү түзүүсү, сезими менен жашап, ден соолукта бакубат, руханий жактан бай жашоосу келечетеги урпактарына – чың ден соолуктун, материалдык байлыктын нурун берет.

Мураска калтыруу – бул ар бир адамдын өзүнүн келечегине, урпактарына маалымат калтыруу, кан, ген аркылуу өткөн жашоодон турмуштук тажрыйба, ден соолук, образ, элес калтыруу, кубанычтуу сезим калтыруу, нур толкундардын сапаттуулугун, күчтүүлүгүн, жогорку жаратуунун алкагы менен байланышын калтыруу болуп эсептелет. Илгертеден бекеринен “бул адамдын ата-теги” кандай экен– деп сураштырбаган. Түпкүлүгү түптүү адам, бүгүн бул жашоодо кедей үй-бүлөдө төрөлсө, эртеңки күнү бай болуп жашоосуна ишенет, аны ишке ашырып жашай алат. Ошон үчүн андай адамдар табышмактуу жана айлана чөйрөдөгүлөр үчүн шектүү. Көпчүлүктүн көңүлү ал адамга өзүнчө эле бурула берет. Алдын ала ой жүгүртө билген адамдар болсо “ушундан бир нерсе чыгат” деп коюшат. Көпчүлүк адамдардын тили менен айтканда бул “таланттуу” деп түшүнөт.

Ал нерсе сезим менен берилип “дененин маалымат талаасында” жазылып, ген аркылуу канга, тагдырга берилет. Ошондуктан, “мээр төгүп, сүйүү, ден соолукту, руханий байлыкты тартуулоо” урпактарга эң сонун “мурас” болуп калаарына шек жок. Себеби, ички дүйнөсү бай адам өзүнө өзү ишенген, эрки күчтүү адам болот. Ал сөөктөрү бекем, ден соолукка бай адам. Ден соолукту чыңдоонун жолдору бүгүнкү күндө өтө көп. Азыр, мындан ары “ден соолукта” болуш үчүн кандай аракеттерди, кам көрүүлөрдү жасап жатасың, өзүңдүн өзүңө болгон мамилеңе көңүл бөл. Ким изденсе ал каалаганын сөсүз табаары анык.

Негизгиси, ар бир адам “өзүн өзү тыңшап, түшүнүп, өзүн өзү сүйүү – эң сонун жол” экендигин түшүнгөндөр, китепти окубай эле өз жашооңорду уланта берсеңер болот. Себеби, силер билген нарселерди эле майдалап түшүндүрүп жазам.Аны акылың менен түшүнөсүң, бирок кантип жасабай коюууну билсең анда сага жол ачык.

Ал эми, жеткиликтүү түшүнүк ала албагандар үчүн, жазууну улантамын. Ойлорун караштырууну сунуш этем, сезим менен иштеп көнүгүү жасап денесин керексиз маалыматтардан бошотуусуна көмөктөшсөм деген ниетимди уланткым келет. Себеби, сезими менен сезип, андан кантип бошонууну билбегендер көп.

Бүгүнкү күндө узак жашоо үчүн дүйнө жүзүндө ар кандай жолдор табылып, өмүрдү узартуучу түркүн тамак аш, витаминдер чыгарылып, эс алуу үчүн укмуштай сонун кооз жерлер саякатка чакырат. Албетте, аларды пайдалануу үчүн финансылык байлык, акча керек. Ал эми дем алуу үчүн, таза абада көнүгүү жасоого, эс алууга тоскоолдук барбы? Таза абада сейилдеп бассаң сенден бирөө акча төлө деп сурайбы? Үйүңдөн сыртка чыгайын десең, “Чыкпа!”– деп жолуңду бирөө тособу? Албетте, жок. Аны сен өзүң кана тососуң. Аны өзүңөр жакшы түшүнөсүңөр. Эми ошол байлыктан пайдаланууга ким тоскоолдук кылат? Ойлонуп көргүлө. Бул ар бир адам жашоосунда туулгандан бар нерсе, ага уруксаат берүүчү да тоскоолдук кылып өзүн өзү “аң сезиминин түрмөсүнө коркунуч менен камоочу дагы – ар бир адам өзү!” экендигин мойнуңа ал.

Эмне үчүн мээнин иштешин активдештирүү керек?

Башың бүтүн болсун. Ар кандай жаракат алуудан өмүрүң өткөнчө сактан, себеби баш, мээ аркылуу бүт денеге иштөө командасы кетет. Мээ ден соолукта болсо калган жабыр тарткан органдарды ойдун таасири менен башкарып, жаңылап алууга болоорун көптөгөн адамдар өз турмушунда далилдеп келүүдө. “Алты башың аман болсун!” – дегендей ар кандай шартта башыңды сакта. Башка таяк жегизбе, бирөөнү башка урба. Айрыкча жаш баланы башка чапоо керек. Мээни жакшы иштетүүчү керектүү тамактарды же. Балалуу болоордон мурун эненин ден соолугун чыңда, мээси таза бала ден соолугу таза бала болот. Себеби, ар бир адамдын ден соолугу эненин акыбалына жараша болот. Ошон үчүн үй-бүлө күтөөрдөн мурун ойлонуп пландаштыр.Ал сенин көптөгөн жылдарга түзгөн планың болот. Кыймылда, позитивдүү ойлон, маанилүү сүйлө.

Мээнин активдүү иштөөсү үчүн мындан ары ар түрдүү сунуштар, көнүгүүлөр менен иштейбиз.

1.Тамаша айтуу. Бири– бириңе көңүл көтөрүүчү тамаша сөздөрдү айтуу. Тамашалаганда ага да сага да кубаныч алып келүүчү тамашалардан сүйлөө же анекдот айтуу кан айланууну жакшыртат, себеби, тамаша дайыма адамга күлкү тартуулайт, көңүл көтөрүлсө жаңы ойлор, идеялар келет.

2. Жаңы курал. Мурда эч качан болбогон жерлерге баруу. Тааныбаган кошунаныкына кирүү, жаңы магазиндерге кирүү, жаңы киного, театрга баруу, башка шаарга барып келүү, ырдоо, ойноп– күлүү. Кыскасы жашоону жаңыча кубанычтуу көз караш менен кароо.

3.Суроолорго тескери жооп берүү. Албетте урушуп кетпеш үчүн алдын ала макулдашып алуу керек, сөздөрдү тескерисинче айтуу. Эске тутууну жакшыртат, мээ активдүү иштейт, жаман ойлор кетет, ден соолук чыңдалат.

Ар бир айтылган сөздүн таасири өзүң үчүн кана керек. Ачык, айкын, так сүйлөшүүлөр, жылуу мамиле, бири-бириңе болгон мээримдүүлүк – бул ден соолук. Алыста болгон жакын адамдарың менен телефон аркылуу байланышып өзүңдүн көйгөйүңдү айтпай, маанай көтөрө турган сөздөрдү сүйлөшүү да өзүңдүн акыбалыңдын оңолушуна жардам берет.

Эгерде телефондон алган маалыматың жашоонун оң нугунда болуп сени сүйүнтсө – ден соолугуңду чындап, ишиңди алдыга жылдырат. Ал эми терс маалымат алсаң албетте, көңүлүңдү чөгөрөт, сезимиң начарлап, денеңде ар кандай ооруулар көтөрүлүп чыгат. Ошон үчүн бири-бириңе жаман кабарды айтаардан мурун өзүңдүн ден соолугуңду ойлон, ал жакын адамыңдын дагы ден соолугу экендигин унутпа.

Ошондой эле маалыматты ар кандай массалык маалымат берүү менен эмгектенгендер өздөрүнн ички дүйнөсүндөгү акыбалына жараша, сырткы дүйнөдө өз дүйнөсүн чагылдырып жашап келет жана аны элге таратат. Мисалы, көргөн фильмдер, сериалдар, ар кандай көйгөйлүү жаңылыктар адамдарга ар кандай коркунучтун программаларын киргизип келүүдө. Аны маалымат берүү кызматында иштегендер терең түшүнүүсү зарыл. Эмненин үрөнүн сепсең ошону кана көбүрөөк өлчөмдө аласың. Маалымат ким аркылуу тараса ошол адам ал маалыматтын булагы болуп эсептелет. Ошон үчүн өзүңдү эле ойлобостон мураска каның, гениң аркылуу урпактарыңа кандай жашоону берип жатасың эртерээк ойлон.

Ошондуктан, алыста жүргөн тууган урук, бала чакаң үчүн жакшы ойлорду ойлоп, “сүйүп мээримиңди” жөнөтүү – бул ар бир адамдын өзүнүн ден соолугун өзү сактоого көмөк көрсөтүү болуп эсептелет.Эмнеден корксоң ошону магнит сыяктуу тартасың. Эми, сага кандай ойлор келсе өзүңдү жакшы сезээр элең?

Ой менен иштөөнү үйрөн… Ал эми ой бул – ден соолук,жашоо, тагдыр. Баардык нерсе ойдон башталат. Ой бул– пульт менен башкарылуучу нерсе, эмнени ойлосоң ошол каналга уланасың. “көңүлүң” сенин башыңдагы пульт. Оюңа эмне келсе сен ошол каналга уланасың. Аны өзгөртүш сенин колуңда.

Ошон үчүн, жакын адамдарыңдын жакы сөзү же жалпы эле турмуш жөнүндө жакшы нерселерди ойлоо жакшы натыйжа берет. Жакшы ниет жарым ырыс дегендей ниетиңер бири-бири-ңерге түз болсун. Эмнени Ааламга жөнөтсөң ошону кана аласың. Бирөөнү кандай ойлосоң, ошол ойлогон адамың сага дал ошондой мамиле түзөт. Заматта автоматтык түрдө ар бир адам сезими менен эле ошол толкунга уланып, өзүңдүн акыбалыңды өзүңө чагылдырат.

Мамилелеш адамдарыңар менен болгон байланыштан кийин өз сезимиңерди байкап көргүлө, ошондо бул сөздөр мындан дагы түшүнүктүү болот жана бул “ой жөнүндөгү” өтө баалуу практика болот. Ойдун денесин чыңдайт б.а. өз оюңа өзүң кожоюн боло аласың, оомалыктан кутуласың. Ар бир адам өзүнүн турмуштук тажрыйбасын өзү топтоого тийиш, антепесе жашоонун өнүгүү, өсүү “этаптарынан” өтө албай, бир ордунда тыбырчылап айланпага туш келген сыяктуу айланып тура берет. Ал жөнүндөгү түшүнүктөрдү материал менен толук таанышсаңар табасыңар.

Жогоруда айтылган сөздөрдү түшүнүү үчүн албетте, турмуштук өзүмдүк тажрыйба керек. Бул нерсе, бүгүнкү күндө кээ бир адамга кызык болсо, кээ бир адам үчүн “туфта”, “фуфло” же айрыкча азыркы мезгилде окууну, өнүгүүнү каалабаган жаштарга китеп окубоо “мода” болсо, кээ бир жаштар “биз китеп окуган жигиттер же кыздар менен сүйлөшпөйбүз!” деген шылтоо, актануу, өзүн өзү алдоо менен жашаган сыяктуу…

Бул деген нерсе, аң сезимдин “парличине” алып келет. Мээ кыймылсыз болгондон кийин тез картаюу, ооруу күчөп, өлүмгө тез алып келет. Ошон үчүн кээ бир жаштар өнүгүүнүн ордуна, өлгөндү оңой көрөт. Өлүм менен эле адам жаны кайра жашабай тургандай түшүнүшөт. Коркунучу күчтүү адамдар жашоого жөндөмсүз болуп ар кандай терс окуялардын себепчиси болоору анык.

Ал ар бир адамдын тандаган жолу.

Ким кандай жол тандаса, ал адам үчүн тандаган жолу туура жол болуп эсептелет. Бул жашоодо басып өтө албаса, келечек жашоодо дагы ушул кезге келгенде тоскоолдуктар башталат. Ошон үчүн ар бир мүмкүнчүлүктөн пайдаланып, алдыга жылуу эң сонун турмуштук тажрыйба берет. Ар кандай “коркунучтан” өтүү , кыйынчылыктан өтүү адамды чыйралтат, ден соолукта болуусуна жардам берет.

Жаман ойлорду такыр жок кылуу кыйын, бирок мезгил мезгили менен терс ойлорду позитивдүү нугка буруу үчүн ар кандай көнүгүүлөр жардам берет.

Терс ойлордон арылуу максатында, мээнин активдүү иштеши үчүн эмнелерди жасаса болот.

Жаңы жол. Күнүгө көнүмүш болгон жолдон башка жол менен жумушка, магазинге, мектепке, базарга баруу. Жол өтө кыска болсо узун жолду тандап айланып бар. Басканда кан айлануу жакшырат, жамбаш булчуңдары, мээдеги нейрондор чыңдалат. Жаман ойдун ордуна жаңы идеялар келет. Дем алуу жакшырат. Буттун манжаларын ачып тез – тез бас.

Жаңы кийим. Ар түрдүү ачык түстүү кийимдер маанайды көтөрөт. Башка адамдардын көңүлүн бурат. Жаңы таанышуулар, жаңы мамилелер түзүлөт. Жашоого болгон кызыгуу күчөйт.

Белек берүү. Бирөөгө белек берүү менен адам өзүнө кубаныч тартуулайт. Кубануу кан айланууну жакшыртат, жүрөктүн иштөө тартибин активдештирет, мээге жакшы ойлор келет, сүйүнүч аркылуу мээдеги нейрондор калыптанат.

–