Молитвы за детей
Го́споди Иису́се Христе́, бу́ди ми́лость Твоя́ на де́тях мои́х (имена), сохрани́ их под кро́вом Твои́м, покры́й их от вся́каго лука́ваго похоте́ния, отжени́ от них вся́каго врага́ и супоста́та, отве́рзи им у́ши и о́чи серде́чныя, да́руй умиле́ние и смире́ние сердца́м их.
Го́споди, вси мы созда́ние Твое́, пожале́й дете́й мои́х (имена) и обрати́ их на покая́ние.
Спаси́, Го́споди, и поми́луй дете́й мои́х (имена) и просвети́ им ум све́том ра́зума Ева́нгелия Твоего́, и наста́ви их на стезю́ за́поведей Твои́х, и научи́ их, Спа́се, твори́ти во́лю Твою́, я́ко Ты еси́ Бог наш.