«Господи Иисусе Христе, Сыне Божий! Щедрый и милостивый, долготерпеливый и многомилостивый, многоблагоутробный, человеколюбивый, незлопомнивый и истинный, не прогневайся на ны зело, ниже помяни беззаконий наших, но призри и ныне яко благоутробен и избави ны от врагов наших. Спаси Господи и помилуй раба Твоего, брата моего (имя рек). Подаждь ему, Господи, ведение, память и бодрость в делание советуемых ему заповедей Твоих, душевный мир и телесное здравие во исправление дела послушания, да со страхом Твоим и смиренною мыслью, без размышления и роптания и всякаго преткновения лукаваго исполнить все нужное в простоте сердца, сообразно с пресвятою волею Твоею. Без Тебе бо, Владыко Господи, ничтоже можем благо и благоугодно творити. Того ради дерзаю аз недостойный и всякаго греха исполненный молить благость Твою: даруй нам истинный разум и силу во всем сотворити волю Твою; да ни делом, ни словом, ни помышлением прогневаем Тебе, Создателя нашего; но вся дела наши, советы и помышления да будут во славу пресвятаго