0,0
0 читателей оценили
69 печ. страниц
2019 год

Пасхальное богослужение с объяснением священника Александра Гумерова

Рекомендовано к публикации Издательским советом Русской Православной Церкви

ИС Р19-817-0628

Предисловие

«Христос воскресе!» – «Воистину воскресе!» – так приветствуют друг друга христиане в пасхальные дни. И в этих радостных словах выражена вся суть христианства. Именно это свидетельство придает смысл евангельским событиям, да и всей истории человечества. Господь Иисус Христос, пройдя через предательство, унижения, мучения и казнь, одержал победу над злом и смертью. Апостолы, некогда бежавшие, спрятавшиеся от страха и малодушия, узнав, что Христос воскрес, смело и мужественно понесли эту весть всему миру. Страхи и угрозы уже не пугали их: чего бояться, если они видели сами, что смерть побеждена, а жизнь восторжествовала. Ведь этой жизнью – жизнью с Богом – Господь щедро делится с каждым из нас. «И нам дарова живот вечный (то есть жизнь вечную), покланяемся Его тридневному Воскресению», – поем мы в праздник Святой Пасхи.

Чтобы разделить эту радость, люди собираются вместе в храме на общее богослужение. Пасха в православной традиции празднуется 39 дней. Все эти дни Церковь вспоминает, как Господь являлся Своим ученикам, раскрывая им тайны Царства Божьего, а на сороковой день вознесся на небо. Все эти дни в храмах звучат воскресные песнопения и раздаются пасхальные приветствия. Но особенно отмечаются первые семь дней этого периода – Светлая седмица. Каждый день Светлой седмицы – начиная с Пасхального воскресенья до следующей субботы – в храмах совершаются удивительные службы. Алтарь, обычно закрытый царскими вратами, открыт. На службах почти не слышно чтений, все молитвословия поются.

Первая пасхальная служба совершается по традиции ночью – в воспоминание того, как жены-мироносицы пришли ко гробу Христа, когда было еще темно (Ин. 20: 1), и услышали от Ангела весть: Его нет здесь – Он воскрес (Мф. 28: 6).

Верующие собираются в храме до полуночи. В это время обычно читается библейская книга – Деяния святых апостолов, а после совершается короткая полунощница – последняя служба Страстной седмицы.

Ровно в полночь под негромкое пение из храма выходит крестный ход. Пасхальная заутреня начинается на улице перед затворенными церковными дверями, которые распахиваются под пение пасхальных молитв. После этого священнослужители и молящиеся входят в храм, и радостная служба продолжается уже внутри церкви.

За Светлой заутреней следует краткая служба Пасхальных часов, а затем совершается Божественная литургия – ведь каждому верующему в этот день очень важно соединиться со своим Господом в таинстве Причастия.

Тексты служб, совершающихся в православных храмах в пасхальную ночь, вы найдете в настоящем издании.

Полунощница

До начала пасхального богослужения в храмах читается книга Деяний святых апостолов. Полунощница начинается при закрытых царских вратах и завесе[1].

Священник: Благослове́н Бог наш всегда́, ны́не и при́сно[2], и во ве́ки веко́в.

Хор: Ами́нь.

Чтец: Святы́й Бо́же, Свя́тый Кре́пкий, Святы́й Безсме́ртный, поми́луй нас. (Трижды)

Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ наша; Влады́ко, прости́ беззако́ния на́ша;

Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (Трижды)

Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.

О́тче наш, Иже[3] еси́ на небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко[4] на небеси́ и на земли́. Хлеб наш насу́щный даждь нам днесь[5]; и оста́ви[6] нам до́лги[7] на́ша, я́коже и мы оставля́ем должнико́м на́шим; и не введи нас во искуше́ние[8], но изба́ви нас от лука́ваго.

Священник: Я́ко Твое́ есть Ца́рство и си́ла и сла́ва, О́тца и Сы́на и Свята́го Ду́ха, и ны́не и при́сно, и во ве́ки веко́в.

Чтец: Ами́нь. Го́споди, поми́луй. (12 раз)

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́, Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псало́м 50

Поми́луй мя, Бо́же, по вели́цей ми́лости Твое́й и по мно́жеству щедро́т Твои́х очи́сти беззако́ние мое. Наипа́че[9] омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз[10] зна́ю, и грех мой предо мно́ю есть вы́ну[11]. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти[12]. Се бо, в беззако́ниих зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си[13] ра́дость и весе́лие; возра́дуются ко́сти смире́нныя[14]. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й[15]. Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя от крове́й[16], Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще[17] бы восхоте́л еси́ же́ртвы, дал бых у́бо[18]: всесожже́ния[19] не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́[20], Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.

Кано́н[21] Вели́кой Суббо́ты, глас 6

Обычно канон читает один из священников перед Плащаницей.

Песнь 1

Ирмос: Волно́ю морско́ю Скры́вшаго дре́вле, гони́теля мучи́теля[22], под земле́ю скры́ша спасе́нных о́троцы[23]; но мы, я́ко отрокови́цы, Го́сподеви пои́м, сла́вно бо просла́вися[24].

Сла́ва Тебе́, Бо́же наш, сла́ва Тебе́.[25]

Го́споди Бо́же мой, исхо́дное[26] пе́ние, и надгро́бную Тебе́ песнь воспою́, погребе́нием Твои́м жи́зни моея́ вхо́ды отве́рзшему, и сме́ртию смерть и ад умертви́вшему.

Сла́ва Тебе́, Бо́же наш, сла́ва Тебе́.

Горе́[27] Тя на Престо́ле и до́ле[28] во гро́бе, преми́рная[29] и подзе́мная, помышля́ющая, Спа́се мой, зы́бляхуся[30] умерщвле́нием Твои́м: па́че ума́[31] бо ви́ден был еси́ мертв, Живонача́льниче[32].

Сла́ва Тебе́, Бо́же наш, сла́ва Тебе́.

Да Твоея́ сла́вы вся испо́лниши, сшел еси́ в ни́жняя земли́: от Тебе́ бо не скры́ся соста́в мой[33], и́же во Ада́ме, и погребе́н, истле́вша мя обновля́еши, Человеколю́бче.

Сла́ва Отцу́ и Сы́ну и Свято́му Ду́ху.

И ны́не и при́сно, и во ве́ки веко́в. Ами́нь.

Катавасия:[34] Волно́ю морско́ю Скры́вшаго дре́вле, гони́теля мучи́теля, под земле́ю скры́ша спасе́нных о́троцы; но мы, я́ко отрокови́цы, Го́сподеви пои́м, сла́вно бо просла́вися.

Песнь 3

Ирмос: Тебе́, на вода́х пове́сившаго всю зе́млю неодержи́мо[35], тварь[36] ви́девши на ло́бнем[37] ви́сима, у́жасом мно́гим содрога́шеся, несть свят[38], ра́зве[39] Тебе́, Го́споди, взыва́ющи.

Сла́ва Тебе́, Бо́же наш, сла́ва Тебе́.

О́бразы погребе́ния Твоего́ показа́л еси́, виде́ния умно́жив. Ны́не же сокрове́нная Твоя́ богому́жно[40] уясни́л еси́, и су́щим[41] во а́де, Влады́ко, несть свят, ра́зве Тебе́, Го́споди, взыва́ющим.

Сла́ва Тебе́, Бо́же наш, сла́ва Тебе́.

Просте́рл еси́ дла́ни[42], и соедини́л еси́ дре́вле разстоя́щаяся[43]. Одея́нием же, Спа́се, е́же в плащани́це и во гро́бе, окова́нныя[44] разреши́л еси́[45], несть свят, ра́зве Тебе́, Го́споди, взыва́ющия.

Сла́ва Тебе́, Бо́же наш, сла́ва Тебе́.

Гро́бом и печа́тьми, Невмести́ме, содержи́мь[46] был еси́ хоте́нием[47]: и́бо си́лу Твою́ де́йствы[48] показа́л еси́, богоде́йственно пою́щим: несть свят, ра́зве Тебе́, Го́споди Человеколю́бче.

Сла́ва Отцу́ и Сы́ну и Свято́му Ду́ху.

И ны́не и при́сно, и во ве́ки веко́в. Ами́нь.

Катавасия: Тебе́, на вода́х пове́сившаго всю зе́млю неодержи́мо, тварь[49] ви́девши на ло́бнем ви́сима, у́жасом мно́гим содрога́шеся, несть свят, ра́зве Тебе́, Го́споди, взыва́ющи.

Священник: Го́споди, поми́луй. (Трижды)

Седа́лен[50], глас 1

Гроб Твой, Спа́се, во́ини стрегу́щии[51], ме́ртви от облиста́ния[52] я́вльшагося А́нгела бы́ша, пропове́дающа жена́м Воскресе́ние. Тебе́ сла́вим, тли[53] потреби́теля[54]! Тебе́ припа́даем, Воскре́сшему из гро́ба и Еди́ному Бо́гу на́шему!

Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.

Песнь 4

Ирмос: На Кресте́ Твое́ Боже́ственное истоща́ние[55] прови́дя Авваку́м, ужа́сся, вопия́ше: Ты си́льных пресе́кл еси́ держа́ву, Бла́же, приобща́яся су́щим во а́де, я́ко Всеси́лен.

Сла́ва Тебе́, Бо́же наш, сла́ва Тебе́.

Седьмы́й день днесь освяти́л еси́, его́же дре́вле благослови́л еси́ упокое́нием дел: прево́диши[56] бо вся́ческая и обновля́еши, суббо́тствуя, Спа́се мой, и назида́я.

Сла́ва Тебе́, Бо́же наш, сла́ва Тебе́.

Си́лою лу́чшаго, победи́вшаго Тебе́[57], от пло́ти душа́ Твоя́ раздели́ся, растерза́ющи[58] бо обоя́ у́зы, сме́рти и а́да, Сло́ве, держа́вою Твое́ю.

Сла́ва Тебе́, Бо́же наш, сла́ва Тебе́.

Ад, Сло́ве, срет[59] Тя, огорчи́ся[60], челове́ка зря[61] обоже́на, уя́звлена[62] ра́нами, и Всесильноде́теля, стра́шным же зра́ком поги́бе[63].

Сла́ва Отцу́ и Сы́ну и Свято́му Ду́ху.

И ны́не и при́сно, и во ве́ки веко́в. Ами́нь.

Катавасия: На Кресте́ Твое́ Боже́ственное истоща́ние прови́дя Авваку́м, ужа́сся, вопия́ше: Ты си́льных пресе́кл еси́ держа́ву, Бла́же, приобща́яся су́щим во а́де, я́ко Всеси́лен.

Песнь 5

Ирмос: Богоявле́ния Твоего́, Христе́, к нам ми́лостивно бы́вшаго, Иса́ия, Свет ви́дев невече́рний[64], из но́щи у́треневав[65] взыва́ше: воскре́снут ме́ртвии, и воста́нут су́щии во гробе́х, и вси земноро́днии[66] возра́дуются.

Сла́ва Тебе́, Бо́же наш, сла́ва Тебе́.

Новотвори́ши[67] земны́я, Созда́телю, пе́рстен[68] быв, и плащани́ца и гроб явля́ют е́же в Тебе́ Сло́ве, та́инство. Благообра́зный бо сове́тник[69], Тебе́ Ро́ждшаго сове́т[70] образу́ет[71], в Тебе́ велеле́пно[72] новотворя́щаго мя.

Сла́ва Тебе́, Бо́же наш, сла́ва Тебе́.

Сме́ртию сме́ртное, погребе́нием тле́нное прелага́еши[73], нетле́нно твори́ши бо, боголе́пно безсме́ртно творя́ прия́тие[74], плоть бо Твоя́ истле́ния не ви́де, Влады́ко, ниже́[75] душа́ Твоя́ во а́де странноле́пно[76] оста́влена бысть.

Сла́ва Тебе́, Бо́же наш, сла́ва Тебе́.

Из Небра́чныя[77] проше́д, и прободе́н в ре́бра, Соде́телю мой, из Нея́ соде́лал еси́ обновле́ние Е́вино, Ада́м быв, усну́в па́че естества́[78] сном есте́ственным, и жизнь воздви́гнув от сна и тле́ния, я́ко Всеси́лен.

Сла́ва Отцу́ и Сы́ну и Свято́му Ду́ху.

И ны́не и при́сно, и во ве́ки веко́в. Ами́нь.

Катавасия: Богоявле́ния Твоего́, Христе́, к нам ми́лостивно бы́вшаго, Иса́ия, Свет ви́дев Невече́рний, из но́щи у́треневав взыва́ше: воскре́снут ме́ртвии, и воста́нут су́щии во гробе́х, и вси земноро́днии возра́дуются.

Песнь 6

Ирмос: Ят бысть[79], но не удержа́н в пе́рсех[80] ки́товых Ио́на: Твой бо о́браз нося́, Страда́вшаго и погребе́нию да́вшагося, я́ко от черто́га от зве́ря изы́де. Приглаша́ше[81] же кустоди́и[82], храня́щии су́етная и ло́жная, ми́лость сию́ оставили есте́.

Сла́ва Тебе́, Бо́же наш, сла́ва Тебе́.

Бие́н был еси́[83], но не раздели́лся еси́, Сло́ве, ея́же причасти́лся еси́ пло́ти[84]: а́ще бо и разори́ся[85] Твой храм во вре́мя стра́сти[86], но и та́ко еди́н бе соста́в Божества́ и пло́ти Твоея́. Во обои́х бо Еди́н еси́ Сын, Сло́во Бо́жие, Бог и Челове́к.

Сла́ва Тебе́, Бо́же наш, сла́ва Тебе́.

Человекоуби́йственно, но не богоуби́йственно бысть прегреше́ние Ада́мово: а́ще бо и пострада́ Твоея́ пло́ти пе́рстное[87] существо́, но Божество́ безстра́стно пребы́сть, тле́нное же Твое́ на нетле́ние преложи́л[88] еси́, и нетле́нныя жи́зни показа́л еси́ исто́чник Воскресе́нием.

Сла́ва Тебе́, Бо́же наш, сла́ва Тебе́.

Ца́рствует ад, но не ве́чнует над ро́дом челове́ческим: Ты бо, поло́жся во гро́бе, Держа́вне, живонача́льною дла́нию, сме́рти ключи́ разве́ргл[89] еси́ и пропове́дал еси́ от ве́ка та́мо спя́щим избавле́ние нело́жное, быв, Спа́се, ме́ртвым пе́рвенец.

Сла́ва Отцу́ и Сы́ну и Свято́му Ду́ху.

И ны́не и при́сно, и во ве́ки веко́в. Ами́нь.

Катавасия: Ят бысть, но не удержа́н в пе́рсех ки́товых

Ио́на: Твой бо о́браз нося́, Страда́вшаго, и погребе́нию да́вшагося, я́ко от черто́га от зве́ря изы́де. Приглаша́ше же кустоди́и, храня́щии су́етная и ло́жная, ми́лость сию́ оставили есте́.

Священник: Го́споди, поми́луй. (Трижды)

Конда́к[90], глас 6

Бе́здну заключи́вый, мертв зри́тся[91], и сми́рною и плащани́цею обви́вся, во гро́бе полага́ется я́ко сме́ртный Безсме́ртный; жены́ же приидо́ша пома́зати Его́ ми́ром[92], пла́чущия го́рько и вопию́щия: сия́ суббо́та есть преблагослове́нная, в не́йже Христо́с усну́в, воскре́снет тридне́вен.

Икос

Содержа́й[93] вся на Крест вознесе́ся, и рыда́ет вся тварь, Того́ ви́дящи на́га[94], ви́сяща на дре́ве, со́лнце лучи́ сокры́, и зве́зды отложи́ша[95] свет; земля́ же со мно́гим стра́хом поколеба́ся, и мо́ре побеже́, и ка́мение распаде́ся, гро́би же мно́ги отверзо́шася, и телеса́ воста́ша святы́х муже́й. Ад ни́зу сте́нет[96], и иуде́е сове́туют[97] оклевета́ти Христо́во Воскресе́ние. Жены́ же взыва́ют: сия́ суббо́та есть преблагослове́нная, в не́йже Христо́с, усну́в, воскре́снет тридне́вен.

Песнь 7

Ирмос: Неизрече́нное чу́до, в пещи́ изба́вивый преподо́бныя[98] о́троки из пла́мене, во гро́бе мертв бездыха́нен полага́ется, во спасе́ние нас пою́щих: Изба́вителю Бо́же, благослове́н еси́.

Сла́ва Тебе́, Бо́же наш, сла́ва Тебе́.

Уязви́ся ад, в се́рдце прие́м Уя́звеннаго[99] копие́м в ре́бра, и воздыха́ет, огне́м Боже́ственным иждива́емь[100], во спасе́ние нас пою́щих: Изба́вителю Бо́же, благослове́н еси́.

Сла́ва Тебе́, Бо́же наш, сла́ва Тебе́.

Бога́т гроб, в себе́ бо прии́м я́ко спя́ща Соде́теля, жи́зни Боже́ственное сокро́вище показа́ся, во спасе́ние нас пою́щих: Изба́вителю Бо́же, благослове́н еси́. (Трижды)

Сла́ва Тебе́, Бо́же наш, сла́ва Тебе́.

Зако́ном[101] уме́рших, е́же во гро́бе положе́ние, всех прие́млет Жизнь, и сего́[102] исто́чника показу́ет воста́ния[103], во спасе́ние нас пою́щих: Изба́вителю Бо́же, благослове́н еси́. (Трижды)

Сла́ва Тебе́, Бо́же наш, сла́ва Тебе́.

Еди́но бя́ше неразлу́чное, е́же во а́де, и во гро́бе, и во Еде́ме, Божество́ Христо́во со Отце́м и Ду́хом, во спасе́ние нас пою́щих: Изба́вителю Бо́же, благослове́н еси́.

Сла́ва Отцу́ и Сы́ну и Свято́му Ду́ху.

И ны́не и при́сно, и во ве́ки веко́в. Ами́нь.

Катавасия: Неизрече́нное чу́до, в пещи́ изба́вивый преподо́бныя о́троки из пла́мене, во гро́бе мертв бездыха́нен полага́ется, во спасе́ние нас пою́щих: Изба́вителю Бо́же, благослове́н еси́.

Песнь 8

Ирмос: Ужасни́ся боя́йся не́бо, и да подви́жатся[104] основа́ния земли́: се бо в мертвеце́х вменя́ется[105] в вы́шних Живы́й и во гроб мал странноприе́млется[106]. Его́же, о́троцы, благослови́те; свяще́нницы, воспо́йте; лю́дие, превозноси́те во вся ве́ки.

Сла́ва Тебе́, Бо́же наш, сла́ва Тебе́.

Разруши́ся Пречи́стый храм, па́дшую же совозставля́ет ски́нию: Ада́му бо пе́рвому Вторы́й[107], И́же в вы́шних Живы́й, сни́де[108] да́же до а́довых сокро́вищ[109]. Его́же, о́троцы, благослови́те; свяще́нницы, воспо́йте; лю́дие превозноси́те во вся ве́ки.

Сла́ва Тебе́, Бо́же наш, сла́ва Тебе́.

Преста́ де́рзость[110] ученико́в, Аримафе́й же изря́дствует[111] Ио́сиф: ме́ртва бо и на́га зря, над все́ми

Бо́га, про́сит[112] и погреба́ет, зовы́й: о́троцы, благослови́те; свяще́нницы, воспо́йте; лю́дие, превозноси́те во вся ве́ки.

Сла́ва Тебе́, Бо́же наш, сла́ва Тебе́.

О чуде́с но́вых! О бла́гости! О неизрече́ннаго терпе́ния! Во́лею[113] бо под земле́ю печатле́ется[114], И́же в вы́шних Живы́й, и я́ко льстец[115], Бог оклевета́ется.

Его́же, о́троцы, благослови́те; свяще́нницы, воспо́йте; лю́дие, превозноси́те во вся ве́ки.

Благослови́м Отца́ и Сы́на и Свята́го Ду́ха Го́спода.

И ны́не и при́сно, и во ве́ки веко́в. Ами́нь.

Песнь 9

В начале 9-й песни по традиции отверзаются царские врата. Служащий полунощницу священник с диаконом совершают каждение вокруг Плащаницы.

Ирмос: Не рыда́й Мене́, Ма́ти, зря́щи во гро́бе, Его́же во чре́ве без се́мене зачала́ еси́ Сы́на: воста́ну бо и просла́влюся, и вознесу́ со сла́вою, непреста́нно я́ко Бог, ве́рою и любо́вию Тя велича́ющия[116].

Чтец: Сла́ва Тебе́, Бо́же наш, сла́ва Тебе́.

В стра́ннем[117] Твое́м рождестве́, боле́зней избежа́вше па́че естества́, ублажи́хся Безнача́льне Сы́не: ны́не же Тя, Бо́же мой, бездыха́нна зря́щи ме́ртва, ору́жием печа́ли растерза́юся лю́те, но воскресни́, я́ко да возвели́чуся[118].

Сла́ва Тебе́, Бо́же наш, сла́ва Тебе́.

Земля́ покрыва́ет Мя хотя́ща, но устраша́ются а́довы вра́тницы, оде́яна ви́дяще оде́ждею окровавле́ною, Ма́ти, отмще́ния: враги́ бо Кресто́м порази́в я́ко Бог, воскре́сну па́ки, и возвели́чу Тя[119].

Сла́ва Тебе́, Бо́же наш, сла́ва Тебе́.

Да ра́дуется тварь, да веселя́тся вси земноро́днии, враг бо плени́ся ад: с ми́ры жены́ да срета́ют[120], Ада́ма со Е́вою избавля́ю всеро́дна[121], и в тре́тий день воскре́сну.

Сла́ва Отцу́ и Сы́ну и Свято́му Ду́ху.

И ны́не и при́сно, и во ве́ки веко́в. Ами́нь.

При пении катавасии 9-й песни (на словах: «…воста́ну бо и просла́влюся…») cвященник с диаконом поднимают Плащаницу и вносят в алтарь. Вслед за этим царские врата закрываются. Плащаницу полагают на святой престол, где она остается до отдания Пасхи.

Катавасия: Не рыда́й Мене́, Ма́ти, зря́щи во гро́бе, Его́же во чре́ве без се́мене зачала́ еси́ Сы́на: воста́ну бо и просла́влюся, и вознесу́ со сла́вою, непреста́нно я́ко Бог, ве́рою и любо́вию Тя велича́ющия.

Чтец: Святы́й Бо́же, Свя́тый Кре́пкий, Святы́й Безсме́ртный, поми́луй нас. (Трижды)

Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ наша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (Трижды)

Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.

О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи нас во искуше́ние, но изба́ви нас от лука́ваго.

Священник: Я́ко Твое́ есть Ца́рство и си́ла и сла́ва, О́тца и Сы́на и Свята́го Ду́ха, и ны́не и при́сно, и во ве́ки веко́в.

Хор: Ами́нь.

Тропа́рь, глас 2

Егда́[122] снизше́л еси́ к сме́рти, Животе́[123] Безсме́ртный, тогда́ ад умертви́л еси́ блиста́нием Божества́.

Егда́ же и уме́ршия от преиспо́дних воскреси́л еси́, вся Си́лы Небе́сныя взыва́ху: Жизнода́вче, Христе́

Бо́же наш, сла́ва Тебе́.

Ма́лая сугу́бая ектения́

Священник: Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Хор: Го́споди, поми́луй. (Трижды, на каждое прошение)

Священник: Еще́ мо́лимся о вели́ком господи́не и отце́ на́шем, Святе́йшем Патриа́рхе Кири́лле, и о господи́не нашем Высокопреосвяще́ннейшем митрополи́те (или: архиепи́скопе, или: Преосвяще́ннейшем епи́скопе имя епархиального архиерея), и о всей во Христе́ бра́тии на́шей.

Еще́ мо́лимся о богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Еще́ мо́лимся за всю бра́тию и за вся христиа́ны.

Священник: Я́ко ми́лостив и человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно, и во ве́ки веко́в.

Хор: Ами́нь.

Отпуст

Священник: Сла́ва Тебе́, Христе́ Бо́же, Упова́ние на́ше, сла́ва Тебе́.

Хор: Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь. Го́споди, поми́луй. (Трижды) Благослови́.

Священник: И́же нас pа́ди и на́шего pа́ди спасе́ния, смиpи́в Себе́ и в на́шy нищетý облече́ся, и во́лею стpа́сти пpетеpпе́, и смеpть вкyси́в, и во гpо́бе положи́выйся, Хpисто́с, И́стинный Бог наш, моли́твами Пречи́стыя Своея́ Ма́тере, святы́х сла́вных и всехва́льных Апо́стол, и всех святы́х, поми́лyет и спасе́т нас, я́ко Благ и Человеколю́бец.

Хор: Го́споди, поми́луй. (Трижды)

Оформите
подписку, чтобы
продолжить читать
эту книгу
215 000 книг 
и 34 000 аудиокниг
Получить 14 дней бесплатно