Три дня чтения в подарок
Зарегистрируйтесь и читайте бесплатно
  • По популярности
  • По новизне
  • Мағжан Жұмабаев
    АНАМА
    АНАМА
     
    Өмірімнің қап-қараңғы түнінде,
    Еш не білмес түсім бе я өңім бе
    Оң менен сол, от пенен су айырмас,
    Күшсіз, әлсіз, есім білмес күнімде,
     
     
    Құшағыңа алдың, сүйдің сен, анам,
    Ренжу жоқ, барлық сөзің: «Жан балам!»
    Ыстық-суық, желге-күнге тигізбей,
    Асырап, сақтап, болдың, анам, баспанам.
     
     
    Түнде тұрып, түн ұйқыңды төрт бөлдің,
    Тыныш ұйықтасын деп, аз сөйлеп, аз күлдің.
    Ыңырансам, я қарным аш, я тоңған
    екенімді, ойламастан, тез білдің.
     
     
    «Жаным – дедің,– қарашығым, құлыным»,
    Сүйдің, қыстың, дедің: «Тәтті қылығың!»
    Қаз-қаз тұрсам, езу тартсам, құласам,
    Я жыласам – бәрі жақты қылығым.
     
     
    Жаным анам – жібек тілді, ақ көңіл,
    Жазу болып, шегер болсам ұзын жол,
    Шет жерлерде теріс жолдан сақтарға,
    Жан балаңа ақ батаңды бере гөр!..